سالفة واحد اسمة بوعوض!!!

هلا بكم منوروين ..هلا والله بالطله
السالفه هي صارت لي امس ..
امس طفشااان واصل حدي .ولا ادري وش اسوي وش تسوي يابو عوض..قلت تدري ياولد مالك الا المطار وعلى اقرب رحله ..تاخذ لك كم يوم تغير جو ووجيه بعد .
المهم واخذ اغراضي وعلى وين ؟ طوالي على المطااار .
واجيهم قلت شف للي اقرب طياره لو سمحت قال فيه رحله بعد ساعتين لنيويورك ..قلت تمام احجز لي يمدحون الجوا في بريطانيا <<< استح على وجهك نيويورك في بريطانيا ..
المهم واخذ التذكره وادخل الصالات واتمشى لي شوي ..طن طن طن على الساده الركاب المسافرين على الخطوط الإسترالية على الرحله رقم 511 حتى رقمها مميز والمتجهه الى نيويورك التوجهه للبوابه رقم 5<<< يانصاااب هذا رقم لوحة سيارتك يالقرم
المهم ركبنا ..والقا ذاك المضيفه والله وتعرفني هلا انت بوعوض <<< الله يقطع ابليسك استح استح
المهم ويوديني على الدرجه الاولي والله واتغمط على ذاك المقعد اللي كنه سرير ..
واروح في نومه شخير ..على كيف كيفكم ..حتى ان الطيار مابغى يطير يحسب ان صوت شخير
شكمان الطياره منشق ..لين قال واحد من المضيفين هذا الفتى قاعد يعزف سمفونية موزارت
المهم وانا نايم والا اخذت الا الصياح والعالم ترووح وتجي ..والطيار قاعدن يبكي ..والمساعد يصيح
والمضيفات يشققون ملابسهم ..والركاب هذا طايح ..وهذا يصيح ..وهذا مغمى عليه .. >>يالله سترك
واقوم واتمغط ذيك التمغطه اللي على كيفكم..واقوم واسأل الطيار وش بلاك يامال العله تبكي يالرخمه
وش العلم ..قال تكفى يابو عوض ..اليوم يومك انا اسمع علومك واليوم الله جابك لاتخلينا ويقعد يحب خشمي وراسي ...
قلت طيب طيب وش السالفه ..قال الطياره خربت ماهي براضيه ترتفع ولا تنزل ولاتلف يمين ولا يسااار
ولا ندري وش بلاها الظاهر بنموت ..قلت اصبر انا فيني نوم شوي باخذ لي غطه وعقبها يحلها الحلال ...<<< ياهووه يالثقه
قال تكفى قلت طيب خلاص رح سو لي قهوه فرنسيه بالمايونيز ..وجبها لي عشان اعدل راسي<<< تراه يسمع بالمايونيز ولا يعرفه..
ويجيب لي القهوة واخذ لي رشفه طويله شوي لها صوت رنان عشان المزاج يعني
قلت اقعد هنا جعلك انفلونزا الطيور لين ازينها ...واقعد على كرسي الطياره ..قلت اقول وين المسجل حقها خلنا نسمع مخاوي الليل خالد عبدالرحمن ..الا طلع المسجل خربان ..
المهم ماطولها عليكم ..الا تليفون الطياره يدق ..الامكتوب برج المراقبه ..
وانا اللي ارد عليه نعم ..قال من انت؟قلت معك بو عوض ..قال هلا وغلا بالورع بو عوضوشلونك وشلون الوالد >>>تكفى سامحه زله لسان
وينك من زمان ماشفناك قلت اخلص من انت لاتطولها تراني مشغول .. >>اخص يالوليد
قال معك رئيس المطار (( ابو خالد )) .. قلت هلالالالالالالالا يالله حي ابو خالد وشلونك ..من يوم كنت معك بارامكو ماعاد شفتك وينك ياهوووه.<<< لالالالالالا عاااد هذي والله ثقيله مااحد راح يهضمها استح استح .
المهم قال لي تكفى يابو عوض ...لا تخلي الطياره .. ترى كل اللي فيها في ذمتك تكفى يابو عوض ترى ثقتنا بك كبيره ..تكفى لاتفشلنا نص الركاب خوال ..قلت ابشر ولا يهمك والخوال بحطهم بعيوني ..
ولا يهمكم يابرج المراقبه .
المهم وادور وش الخراب ياربي وش الخراب ياررربي ..
واجي ادور الفيوز خابره تحت الطبلون ..
<<<< الله يرج ابليسك ددسن هي تحت الطبلون ..
المهم واشوف الفيوزات كلها مظبوطه .....قلت يمكن من القير والا شوي والله واعطيها نمره والا القير يغير مظبوط ولا فيه شي ..
وافتح الدريشه ..واطالع في المنظره ..الا اشوف علبة بيبسي جايه بين الجنياحات حقت الطياره ..ولا يتحركون ..والله وانا اللي ارجع ..والقى الطيار مغمى عليه ..واقوووم واخذ كل الغتر والشمغ حقت الركااااب ..
واربطهم مع بعض ..واطلعهم مع الدريشه حق الطياره الا والله ناقصين شوي بس
والله واخذ كرفتة الطيار ..واربطها معاهم والا يوم وصلوا ...واربطهم بالدركسون حق الطياره
واخفف سرعة الطياره لين ماخليتها تمشي ..60كم /بالساعه.. واربط نفسي فيهم واطلع من الطياره ..لين قربت من الجناح ..والله بغيت اروح فيها شفطني المحرك ..من قوته شفط سروالي ..ويطير ويدخل بالمحرك ..المهم ..اني فكيت علبة البيبسي ..وارجع للكبينه ...واقوم انزلها وتنزل وارفعها وترتفع ..يوم انها ضبطت ..الظاهر ان الطيار رمى علبة البيبيسي مع الدريشه وحنا طايرين ..ونشبت بالجناح >>كل شئ جااايز في عااالم العجاايز
المهم وارجع للتليفون حق الطياره ..لا رقم ابو خالد في الـ( لم يرد عليها ) واتصل عليه قلت ابشرك تراني زينت الطياره ..
بس والله ماادري ويين انا ..والله واناظر مع الدريشه الا اجبال ثلج ..وكل الدنيا بيضا من الثلج ..
قلت الظاهر اننا في سيبيريا ..في القطب المتجمد ..واطلع الا والله الطياره تنتع من البرد...بغت تطفي والله .
قال ماقصرت يالقيصر وهذي هقوتي فيك يابعدي ...قلت انا رايح للسعوديه ..قال على كيفك ..
والله واسحب جلنط ..وحركة السلسله ..وعقدتين معها ..وارجع مع دربي ..
قلت يابو عوض وش تسوي وشلون تدل الطريق ..المهم واطلع في شاشات الطياره الا والله هذي صورة الكعبه شرفها الله ..والله واحط السهم عليه واضغظ عليه ..اعرف له عندي ماجلان ..استخدمه لاطلعنا للبر ,,والا لمقناص ..
والله ذاك الجرس طن طن طن ..لا مكتوب الوقود مايكفي ..لا حووول والله المصيبه ..
المهم الوقود مايكفي ..يعني بنموووت ..لازم حل ...
وانزل تحت واجي عند الاهواز حقت الوقود اللي تروووح للمحرك ....واخذ ذاك الحبل ..
واربطه من النص حتى صار ضيق من الوسط وصار الوقود اللي يروح للمحرك يمشي شوي شوي ..<<< يالله افكار رهيييبه بس وين اللي يقدر TFH
وارجع لكبينة القياده ..ويسكت الجرس ..المهم شوي ..والا طيارت حربيه جنبي يمين ويسااار
وقف على جنب ياراعي الطياره ..والا ترى بنرميييك بصاروووخ ..
المهم وشي شوي الا ذيك الغيمه ..كبيره سوووووووداااااء ..واهدئ السرعه ..واجي فوقهااا
واوقف ...وينزلون على جناح الطياره واطلع لهم من الدريشه ..الا والله امريكان ..
وش عندك جاين من هنا ..ماتدري انه ممنوع تجي منها ..قلت والله يالربع الوقود مايكفي
وقلت اطلع قطوووع .اسرع ..<<< مسووووي بالبر
قالو عطنا اثباتك ..<< متأثر بالتفاتيش اللي هنا...
المهم واعطيهم الرخصه ..ويسلمون علي قالوا انت اللي صلحت الطياره ..مشاء الله عليك
الظاهر انهم سامعين المكالمه..<<< اييييييه هيين رقعها..
المهم ..وشغل الطياره الا والله ماتشتغل ..قلت لحظه يالربع ..حاولوا تدفوني لين انتعها ..والله ويدفون وانتعها وتشتغل ..واجيك حاطن رجلي
ولا اخذت الا اللي يكلمني ..و على طووول قلت ماني بفاضي ..بعد يمكن احد يعزمني والا شي ..
الا يقول يالورع عمن يعميك وين رايح انت فوق العراق ..وممنوع الطيران ..لايرمونك ..بصاروخ ..قلت انت من انت لو سمحت قال اناسكرتير برج المراقبه اللي بالدمام ..
قلت اقووول ..مالك شغل خلك قاعدن في برجك واتركني اي والله جاين تعلمني ..ضف وجهك بس ..
واسكر الراديوا حق الاتصال ..واشغل الراديو على F M وهات يااغاني واخر وناااسه ((جابوا اغنية شاكيرا whatever ))..وفاتح دريشة الطياره ومتلطم بشماغي ..ومطلع ايدي للهواء ..كذا يسوون الشباب الزحيفة بالدمام
والله واطلع بالمرايه الا ذاك الصاروخ اللي جايك يمشي مليون ....قلت يالييييييييييييييييييييييييييييل ماطولك
لاحووول وش السواة مع هذا ..المهم يوم قرب بيضرب الطياره .. واسحب جلنط وحركة السلسله
الا انا وراه ..واقوم اطرده وينحاااش مني .. واطلع الا هو رايح للكوووويت قلت لاحول وش ذا النشبه..اللحين بنسوي كارثه ...وين انقلع ذا الصاروخ ..واطالع يمين الا اشوووف البحر قلت بحذفه هنااااك.
واحط رجلي ويالله اللحقه ..واحطه عند الجناح ..وبحركه هذي مايعرفها الا الراسخون بالتفحيط بالطيارات
والفه لاهو متوجه للبحر ..والحقه ...واجي فوق .. واصدمه لين حول بالبحر ..<<<< والله ماسواها حتى جمس بوند
وشوي الا طن طن طن الوقود لا يكفي شف اقرب محطه ..
هذا اللي يقوله الجهاز حق الطياره ..(والله ماحد يصدقها لو تموت احد)
الحل وشو ياهنري مافيه الا اطفي الطياره شوي واخليها تطير وهي طافيه عشان ماتصرف ..عساه يوصلنا .ونفعت الخطه
مابي اطولها عليكم ..
وصلنا لمطار الملك خالد بالدمام ونزلنا ..
<<< مطار الملك خالد بالرياض ياكذووووب ..
والا ابو خالد والكل يستقبلنا ..ويشكروووني ...
قلت لاشكر على واجب ..يابو خالد اهم شئ سلامة الخوال اقصد الركاب ..
ويعطني ذاك الظرف ...
مانب معلمكم وش فيه عشان ماتحسدوووووني
وسلامتكم هذا اللي حصل كان يوم مرعب ومخيف
يالله سلاااااااااااااام
تشااااووووووووو


اعذرووووني طولت عليكم بس انا انسان ما احب الف وادور لالالالالا احب الكذب